New New Delhi

ഒരു വലിയ പാമ്പിനെ പോലെ ഡെല്‍ഹി നഗരത്തിനയാകെ ഫ്ലൈ ഓവറുകള്‍ വരിഞ്ഞു മുറുക്കിയിരിക്കുന്നു. വഴി തെറ്റിയ പുഴ പോലെ നിരത്തില്‍ വാഹനങ്ങള്‍ ഭ്രാന്തമായി ഒഴുകുന്നു. യമുനാ നദി ഇപ്പോഴും ചളിപുരണ്ട ഒരു പഴം തുണി പോലെ നിശ്ചലം. പക്ഷെ അന്നും ഇന്നും ഡെല്‍ഹിക്ക് ഒരു ഗന്ദമുണ്ട്. വേപ്പ്മരങ്ങള്‍ക്കിടയിലൂടെ കടന്നു വരുന്ന കാറ്റിന്‍റെ ഗന്ധം. വേപ്പിന്‍ പൂക്കളുടെയും പെട്രോളിന്റ്റെയും ഇട കലര്‍ന്ന ഒരു ഗന്ധം. ഒരായിരം ഓര്‍മകള്‍ ഉറങ്ങുന്ന നിരത്തുകള്‍ പിന്നിട്ടു ഒരപരിചിതനെ പോലെ ഞാന്‍ മുന്നോട്ടു. കണ്ണടച്ചിരുന്നാല്‍, കാതോര്‍ത്തിരുന്നാല്‍ ഡെല്‍ഹിക്ക് ഇപ്പോഴും ഒരു മാറ്റവുമില്ല. വേപ്പിന്‍ പൂക്കളും, വാഹനങ്ങളുടെ ആരവങ്ങളും എല്ലാം പഴയതു പോലെ തന്നെ.